პროექტები

მოკლედ პროექტის შესახებ: პროექტის მიზანია მოქალაქეთა ჩართულობის ახლებური გზების გამოყენება, განსაკუთრებული აქცენტით შემოქმედებით დოკუმენტურ კინოზე, როგორც საზოგადოების ცნობიერების ამაღლებისა და თანამონაწილეობისთვის მძლავრ და საინტერესო საშუალებაზე. დოკუმენტური ფილმი უმნიშვნელოვანესი მედია-საშუალებაა, რომელიც სიღრმისეულ, შინაარსით დატვირთულ ამბავს გადმოსცემს და რომელიც შეიძლება გახდეს კითხვების დასმის, ცოდნის გაზიარების, მოტივირების, დაფიქრების, გადააზრებისა და სოციალური ცვლილებების საფუძველი. მიუხედავად ამისა, დოკუმენტური კინოს, როგორც მედია-საშუალების შესახებ, ცნობადობა დაბალია როგორც ქართველ მაყურებელში, ასევე მედია-თავისუფლების სფეროში მომუშავე სამოქალაქო საზოგადოებრივ ორგანიზაციებში. საჭიროა ეტაპობრივი და სტრუქტურული ნაბიჯების გადადგმა არამხოლოდ ქართული კინოს დამოუკიდებლობის შენარჩუნებისა და შემდგომი განვითარებისთვის, არამედ კინოს, როგორც გამოხატვის, აზრთა გაცვლა-გამოცვლისა და სხვადასხვა საკითხებზე ცნობიერების ამაღლების გზის, პოპულარიზაციისთვის. ამ მიზნების მისაღწევად, დოკუმენტური კინოს ასოციაცია (დოკა)იმუშავებს რამდენიმე მიმართულებით: (i) სექტორული თანამშრომლობის გაძლიერება და სტრატეგიული დოკუმენტების შემუშავება/დანერგვა; (ii) ადვოკატირების კამპანია დოკუმენტური კინოს, როგორც მედია-საშუალების, სფეროში არსებული საჭიროებებისა და შესაძლებლობების შესახებ და, რაც მთავარია, (iii) დოკუმენტური კინოს საშუალებით საზოგადოების ცნობიერების ამაღლება და სხვადასხვა საჭირბოროტო საკითხებზე სადისკუციო სივრცის შექმნა.